एस के नेपाल न्यूज सर्भिस
मंगलबार,मार्च ,१६,२०१०

रक्षामन्त्री बिद्यादेवी भण्डारीले बर्दीया राष्ट्रिय निकुञ्जमा भएको हत्याको सत्यतथ्य छानबिन गरि दोषिलाई कारबाही गर्ने प्रतिबद्धता जनाएकी छन्। घटनाका दोषिलाई कारबाहि र पिडितलाई क्षतिपूर्तिको माग गरि रक्षामन्त्रालय पुगेका दलित सभासद् तथा अधिकारकर्मीहरुसँग कुरागर्दै मन्त्री भण्डारीले घटनाका सम्बन्धमा छानविन गरि दोषि पाईएमा कारबाही गर्ने बताएकी हुन्। उनले घटनाबाट मानविय क्षतिपुगेकोमा दुःख ब्यक्त गर्दै पोष्टमार्टमका लागि सहयोग गर्न आग्रह समेत गरिन। दलित अगुवाहरुले हिरासतमा रहेका कृष्णबहादुर बिकको रिहाईको समेत माग गरेका छन्। साथै उनीहरुले राष्ट्रिय मानव अधिकार आयोग, राष्ट्रिय महिला आयोग, राष्ट्रिय दलित आयोगका प्रतिनिधि सम्मीलित न्यायीक छानविन समिति गठन गर्न समेत माग गरेका छन्। फागुन २६ गते बर्दिया राष्ट्रिय निकुञ्जमा गस्तीमा गएको नेपाली सेनाको गोली चलाउदा एकै परिवारका तीन महिलाको मृत्यु भएको थियो। ति महिलाहरु काउलो टिप्न जाँदा सेनाले बलात्कार गरि हत्या गरेको भन्दै स्थानिय बासीनदाले शव लिन मानेका छैनन्। घटना भएको भोलि पल्ट निकुञ्जमा चोरि शिकारीको आशंकामा कारबाहि गर्दा तीन जनाको मृत्यु भएको सेनाले प्रतिकृया दिएको थियो। बैठकमा समितिले रक्षामन्त्री बिद्यादेबि भण्डारी र प्रधानसेनापति छत्रमान गुरुङलाई बोलाएपनि गुरुङ उपस्थित भएनन् ।